अमेरिका, इजरायल र इरानबीच जारी सैन्य द्वन्द्व मंगलबार (मार्च ११) १२औँ दिनमा प्रवेश गरेको छ। युद्ध गत फेब्रुअरी २८ मा संयुक्त रूपमा गरिएको हवाई हमलामा इरानका सर्वोच्च नेता Ali Khamenei मारिएपछि सुरु भएको हो।
त्यसयता क्षेत्रीय तनाव निरन्तर बढ्दै गएको छ। इरानले जवाफी कारबाही स्वरूप इजरायल तथा खाडी क्षेत्रमा रहेका अमेरिकी सैन्य अड्डाहरूलाई लक्षित गर्दै ड्रोन र क्षेप्यास्त्र आक्रमण गरिरहेको जनाएको छ।
संयुक्त राष्ट्रसंघका लागि इरानका राजदूत Amir Saeid Iravani का अनुसार अमेरिका र इजरायलको आक्रमणबाट अहिलेसम्म १ हजार ३०० भन्दा बढी मानिसको मृत्यु भएको छ भने करिब ८ हजार घर ध्वस्त भएका छन्। उनले देशभरका करिब ९ हजार ६०० आवासीय क्षेत्रमा आक्रमण भएको दाबी गरेका छन्।
इरावनीका अनुसार आक्रमणमा घर, बजार, अस्पताल, स्वास्थ्य केन्द्र र विद्यालय जस्ता नागरिक पूर्वाधार समेत प्रभावित भएका छन्।
यता इरानले पनि इजरायलका प्रमुख शहरहरू Haifa, Jerusalem र Tel Aviv मा क्षेप्यास्त्र आक्रमण गरेको दाबी गरेको छ। युद्धको असर अमेरिकी सेनामा पनि परेको छ। United States Department of Defense का अनुसार हालसम्म करिब १४० अमेरिकी सैनिक घाइते भएका छन्।
