अमेरिकी राष्ट्रपति डोनाल्ड ट्रम्पले इरानको प्रमुख सैन्य र व्यापारिक केन्द्र खार्ग टापुमा पश्चिम एसियाको इतिहासकै शक्तिशाली बमबारी भएको बताएका छन्। उनले अमेरिकी सेनाले इरानको सैन्य क्षमता ध्वस्त पारेको र यदि इरानले हर्मज जलसन्धिमा अवरोध जारी राख्यो भने तेल कुवाहरू समेत नष्ट गरिदिने चेतावनी दिएका छन्।
इजरायली प्रधानमन्त्री बेन्जामिन नेतन्याहुले इरानको परमाणु कार्यक्रम र ब्यालेस्टिक मिसाइल संयन्त्र लक्षित आक्रमणले इरानको शक्ति करिब ९० प्रतिशतले घटेको दाबी गरेका छन्। पछिल्लो २४ घण्टामा तेहरान र मध्य प्रान्तका विभिन्न सैन्य इलाकामा १५० भन्दा बढी हवाई आक्रमण भएका छन्।
इरानका नयाँ सर्वोच्च नेता मोज्तबा खामेनीले आफ्ना पिता र अन्य कमाण्डरहरूको हत्या गरेको बदला लिने चेतावनी दिएका छन्। उनले इजरायलको हाइफा र बीरशेबा शहरका ऊर्जा केन्द्रहरूलाई निशाना बनाएर ड्रोन आक्रमण गरेको जानकारी दिएको छ।
यसैबीच, लेबनानमा पनि इजरायली आक्रमण तीव्र भएको छ, जहाँ गत २४ घण्टामा १२ जना स्वास्थ्यकर्मीको मृत्यु भएको छ।
